Reblogs: Kakaibang halina ang dulot ng Jollibee.
Original post from batangmilo.tumblr.com.
Mula sa pagiging isang ice cream parlor noon sa Cubao, ay naging fast food na epektibong pampatahan sa batang umiiyak sa mall ang Jollibee. Sabi ng ilan, mas maka Pilipino daw ang fast food na ito kumpara sa iba lalo na doon sa mayroong payasong naka dilaw.
Bakit nga ba patok na patok sa marami ang Jollibee? Bukod sa abot kayang presyo kumpara sa ibang kainan, pang Pinoy din kasi ang mga hinahain nila dito:
- Spaghetti
- Chickenjoy
- Palabok
- Burger
- Shanghai
Kung mapapansin niyo, halos lahat ng yan eh maaring tinitinda sa barangay niyo o di kaya naman ay palaging handa tuwing may birthday. Kaya nga pag wala kang pambayad para mag birthday sa Jollibee, iluto mo lang ang mga yan ay para ka na ding doon nag birthday. Wala nga lang mascot.
Marami pa sana akong sasabihin pero dahil di naman ako binayaran ng Jollibee dito, hanggang dito na lang itong post na ito. Pero heto ang pabonus kong trivia para naman may matutunan kayo sakin.
Alam niyo ba kung saan nagmula ang pangalang Jollibee? Dahil mukhang mga busy bee ang crew sa Jollibee na kung magtrabaho at makaikot ay parang di napapagod, dito nagmula ang salitang ‘bee’ sa Jollibee. Yung ‘Jolli’ naman ay para sa salitang jolly sa ingles. Palagi kasing nakangiti ang mga crew kahit pagod na kaya naman tinawag ang fastfood na ‘Jollibee’.
Maniwala kayo sa sinabi ko. Member ako ng Jollibee Kids Club.
